Teodo dočekuje Krku, Glomazić i Abramovič očekuju pobjedu

Autor: D. M.

Košarkaši Teoda za sada imaju perfektan učinak na domaćem terenu u ABA  2 ligi. Tri meča i tri pobjede, a sutra veče slijedi možda i najveće iskušenje.

U goste stiže sastav Krke, godinama učesnik elitnog ranga regionalnog takmičenja. “Farmaceuti” u ne baš sjajnom raspoloženju stižu u Tivat, jer su u prošlom kolu poraženi u dvorani “Leon Štukelj” od Dinamika u dramatičnom finišu.

„Imamo personalnih problema pred meč sa kvalitetnom ekipom Krke. Milovan Savić i dalje ne igra, a zdravstvenih problema ima i Mihailo Sekulović. Ko bude na parketu mora odigrati maksimalno borbeno i sa energijom. U ABA ligi igramo dobro, a kući smo do sada  dobili sve tri utakmice. Pokušaćemo da trijumfujemo i protiv Krke. Nadam se i pomoći publike”, rekao je Zoran Glomazić, trener Teoda.

http://druga.aba-liga.com

Slovenački plej Robert Abramovič je optimista pred meč sa sunarodnicima, iako Krka ima igrače sa iskustvom igranja u ABA ligi.

“Dobro poznajem ekipu Krke i cijenim je. Najveć adut im je igra ispod koša. Ako ih tu zaustavimo moćemo do pobjede. U ovom meču nema favorita. Šanse su pola-pola, ali ja vjerujem u našu ekipu i očekujem pobjedu”, zaključio je Abramovič.

Utakmica u dvorani “Župa” igra se u srijedu od 18 sati.

Leave a Reply

Your email address will not be published. Required fields are marked *